TUIS | BIOGRAFIE | OPTREDES | MUSIEK | KONTAK facebook you tube


Liedjieskrywer en Sanger van Afrikaanse en Nederlandse Kleinkuns

Jannie du Toit is 'n liedjieskywer, internasionale sanger en pionier in die ontwikkeling van Afrikaanse musiek.

Sedert sy beginjare as sanger op die eerste toetsuitsendings van SATV in 1975 en as lid van die Afrikaanse folkgroep TRILOGIE, het die een hoogtepunt na die ander gevolg. Die inpalm van die "Honorary Mention Prize" in die American Song Festival, het hierdie suksesvolle musiekreis behoorlik laat vlam vat.      

vir meer oor Jannie se optredes.

BONJOUR MONSIEUR BREL

Jacques Brel se tydlose, beeldryke tekste word in vier tale – Afrikaans, Frans, Engels en Nederlands – gesing deur Jannie, dekades reeds ’n hoog aangeskrewe vertolker van Brel se musiek.  Brel se geniale beeldende skryfwerk kom hier na vore – ’n getuigskrif vir die ongeëwenaarde seggingskrag van die grootste chansonnier van die 20ste eeu. 

Susan Mouton – tjello  Coenraad Rall – klavier en trekklavier

DOEP IS NIE DOOD NIE

Jannie du Toit: kitaar en sang, Susan Mouton: tjello en Coenraad Rall/Chanie Jonker: klavier en akkordeon, Clinton Zerf: musiekverwerkings, Carl Theunissen: samestelling en regie

Doep is nie dood nie is 'n eenman-aanbieding met teks- en musiekgrepe oor die lewensbeskouing en werk van Koos du Plessis. Koos is in Januarie 1984 op jeugdige leeftyd oorlede, maar sy nalatenskap bly 'n bron van wysheid en voortlewende musiek.

Dertig jaar na sy afsterwe, word dit in hierdie verhoogproduksie duidelik hoe lewend en toepaslik sy siening van die lewe steeds bly, hoe treffend sy liedkuns. Jannie du Toit, 'n groot vriend van Du Plessis, sit hiermee sy werk voort om Koos se musiek by 'n volgende geslag te laat voortleef.

Hierdie produksie is nou reeds meer as 100 keer aangebied en ‘n dvd-opname word vanaf Oktober 2015 op KykNet uitgesaai.

DIE CORDON BROERS se KOSSÊRT

Jannie du Toit, sang en kitaar en Lochner de Kock, kospraatjie/demonstrasie en sang. 'n Luister-en-proe-allegaartjie van formaat. Die gehoor word vermaak met kosdemonstrasies, anekdotes, wenke, staaltjies en musiek uit die twee kunstenaars se reise deur hulle kos- en musiekervarings.

Lochner is jare lank reeds konsultant by Jannie se Agterplaas B&B waar hulle elke oggend gesellig met vriende uit die omgewing om die ontbyttafel kuier.

KIEKIES - LUCAS SE LIEDJIES

Lucas Maree se gewilde liedjies asook  minder bekendes  ingekleur met anekdotes en sêgoed wat hom so ’n sonderlinge mens gemaak het. Saam met Thean Kotze – vir etlike jare lid van die bekende Ses Snare

DIE EGGO VAN JOU OË – met kitaar en tjello en soms ook klavier

Jannie du Toit en Susan Mouton/Chanie Jonker verf in hierdie program met die wonderlike klankkleure wat die kombinasie van tjello/klavier, kitaar en stem kan bied. Jannie se eie liedjies, maar ook gunstelinge uit sy jeugjare soos liedjies uit die FAK, van die Beatles, Ralph McTell, Peter Sarstedt en John Denver. Daarby kom enkele instrumentale werke vir tjello en kitaar wat verder sorg vir merkwaardige verskeidenheid.  Jannie se cd Die eggo van jou oë bevat 25 van sy mooiste opnames – daardie liedjies waarvoor mense steeds bly vra by konserte

KERS / GEESTELIKE PROGRAM

Jannie beskik oor 'n repertorium van geestelike liedere met besielende boodskappe wat grootliks sy eie persoonlike belewenis asook toonsettings van skrifgedeeltes (sommige daarvan saam met Christa Steyn geskryf) verteenwoordig.

Dit is sang met begeleiding op klavier en/of tjello en kitaar wat verkieslik ingeskakel word by die boodskap van die leraar by 'n erediens.




om te kyk na 'n video van "PIE JESU" van die album Diepverlange
met Jannie du Toit, Coenie de Villiers en Chris Chameleon

om te kyk na die video "Die eggo van jou oë"
met Renette Bouwer en ensemble

vir fotos van Jannie.



Bonjour Monsieur Brel en Doep is nie dood nie
Coenraad Rall, Jannie du Toit, Susan Mouton


Die Cordon Broers se Kossêrt
Lochner de Kock en Jannie du Toit


Die eggo van jou oë
Jannie du Toit en Susan Mouton

Kiekies – Lucas se liedjies
Jannie du Toit, Thean Kotze



tuisblad  |  biografie  |  optredes  |  musiek  |  kontak  |  voorwaardes